"WALIMU wasaidieni wanafunzi kuimba Nyimbo za Kizalendo kwa Ufasaha

Posted on: March 7th, 2023

UFUATILIAJI katika Shule za Msingi Halmashauri ya Wilaya ya  Madaba unaendelea katika kutambua uelewa wa wanafunzi.

Maafisa Elimu Halmashauri hiyo wametembelea Shule ya Msingi Igawisenga na Shule ya Msingi Turihani na kuwapima wanafunzi hao katika swala nzima la kusoma na kuandika.

Mara baada ya ukaguzi huo Afisa Elimu maalumu Teddy Sanga ametoa maagizo kwa walimu katika Shule hizo ikiwa ni pamoja na Wanafunzi kuimba nyimbo za kizalendo kwa ufasaha pamoja na kuwa na bebdi ya Shule.

“Naomba walimu muhakikishe mnaifahamu miradi ya Serikali  inayotekelezwa katika Shule pamoja na kubainisha watoto wenye mahitaji maalumu”.

Afisa Elimu Kata ya Mkongotema Edwin Mlelwa amewapongeza walimu wa Shule hizo kuhakikisha mahudhurio ya wanafunzi wote wanakuwepo Shuleni kwa asilimia 100 kila siku.

Kutoka Kitengo cha Habari Ofisi ya Mkurugenzi Halmashauri ya Madaba

Machi 7,2023