WALIMU Madaba wapewa mafunzo kazini

Posted on: February 8th, 2023

HALMASHAURI ya Madaba wametoa mafunzo kazi kwa walimu wakuu wa Shule za Msingi,taaluma na Maafisa Elimu Kata.

Akizungumza katika mafunzo hayo Afisa Elimu Msingi Edgar Dotto amesema  Mwezi Septemba 2022  Halmashauri ya Madaba imeanza utekelezaji  rasmi wa shuguli za MEWAKA.

“Leo tutajifunza mambo makubwa mawili la kwanza tutapitia utekelezaji wa MEWAKA katika vituo vyetu la pili tutaelekezana yale ambayo tuliyokuwa hatuyafahamu “.

Hata hivyo amesema wakati mpango wa MEWAKA unaanza kutekelezwa kuna makundi yalikuwa hayafahamu mpango wa MEWAKA ikiwa wakuu wa shule ni watekelezaji na Maafisa Elimu Kata ni wasimamizi.

Dotto amewapongeza  Walimu kwa utekelezaji wa mpango huo kupitia uelewa mdogo wa MEWAKA na  semina yaleo imesaidia kujifunza, na  kuelewa kwa pamoja kupitia mada na mawasilisho yaliyotolewa.

“Siku chache zilizopita tulienda kufanya tathimini ya Taifa katka utekelezaji wa MEWAKA walipongeza kwa namna ambavyo tunatekeleza na tunatuma taarifa zetu isipokuwa maeneo machache”.

Mkuu wa Shule ya Msingi Mkwela Magreth Nyange ameeleza majukumu ya MEWAKA yanayotekelezwa katika shule,Kata na vituo vya walimu ikiwemo kuandaa mpango kazi,kuandaa mahitaji  yaliyoandaliwa katika mpango kazi ya mafunzo kwa walimu,kuandaa bajeti ya uendeshaji,kuwaandaa wawezeshaji na washiriki wa mafunzo kwa walimu pamoja na kufanya tathimini ya mahitaji kabla ya kufanya mafunzo kwa walimu.

Nyange amese kwa upande wa Kata jukumu la kwanza ni kuandaa mpango kazi wa mafunzo kwa walimu ngazi ya Kata,kusimamia utekelezaji na mpango kazi na bajeti ,kuchambua na kujadili mahitaji yenye changamoto,kuaandaa mahitaji ya washiriki,kuchambua na kujadili maeneo yenye changamoto ngazi ya shule,kuandaa eneo la mafunzo,kuandaa washiriki, kuandaa ratiba ya kituo,pamoja na kuandaa mahitaji ya washiriki.

Kwa upande wake Mthibiti ubora wa Shule Halmashauri ya Madaba Godlove Makongwa amesema majukumu ya  MEWAKA kuandaa mahitaji ya walimu pamoja na kuangalia umahili wa Mwalimu, kupokea taarifa ngazi ya Kata ili ngazi ya shule waweze kuandaa mahitaji yanayohitajika  na kuwasilisha katika Kata.

Imeandaliwa na Aneth Ndonde

Kutoka :Kitengo cha Mawasiliano Serikalini Halmashauri ya Madaba

Februari 8,2023.