WAGANGA wa tiba za asili na mbadala wapewa Mafunzo Madaba

Posted on: September 26th, 2023

WAGANGA wa Tiba za asili Halmashauri ya  Wilaya ya Madaba wamepewa mafunzo ya kuzingatia miiko na maadili ya utoaji huduma kwa wagonjwa.

Mafunzo hayo yametolewa na Mratibu wa tiba asili na mbadala Shani Kabuga ,Afisa Lishe John Mapunda pamoja na   Mratibu wa Kifua Kikuu  na Ukoma Methew Mihangwa katika ukumbi wa Ofisi ya Mkurugenzi Halmashauri ya Madaba.

Mihangwa ameeleza kuwa Mganga wa tiba za asili endapo atapata dalili za ugonjwa wa TB anapaswa kuwahishwa kwenye vituo vya kutolea huduma za Afya mara moja.

Mratibu wa Kifua kikuu na Ukoma ameeleza dalili hizo ikiwa ni pamoja na Mgonjwa kutokwa na Jasho jingi usiku, kukohoa sana zaidi ya siku saba,homa za mara kwa mara,vikohozi vilivyochanganyika na damu pamoja na maumivu ya mifupa.

Kwa upande wake Mratibu wa tiza za asili na tiba mbadala Shani Abdul Kabuga amesema  kanuni taratibu na sheria za waganga  wa asili na mbadala,kanuni zinazosimamia utekelezaji wa sheria na 23 ya 2002,adhabu za kisheria  kwa mganga au msaidizi wa tiba za asili anayetoa huduma kinyume na sheri pamoja na mambo yote yaliyokatazwa katika tiba za asili.

Afisa Lishe Halmashauri ya Madaba John Mapunda katika mafunzo hayo ya waganga wa tiba asili na mbadala amehimiza kuhakikisha wanawatambua wateja wenye utapiamlo na kuwashauri kwenda kwenye vituo vya huduma ya Afya badala ya kuendelea kuwaweka katika maeneo yao ya matibabu jambo ambalo linaweza kuhatarisha maisha mfano kwashakoo,unyafuzi,pamoja na upungufu wa Damu.

Imeanadaliwa na Aneth Ndonde

Kutoka Kitengo cha Mawasiliano Halmashauri ya Wilaya ya Madaba

Septemba 26,2023.