VIONGOZI Madaba endeleeni kudumisha mshikamano

Posted on: April 30th, 2024

HALMASHAURI ya Madaba wamesisitizwa kuendeleza mahusiano mazuri katika utendaji Kazi baina ya Madiwani na watumishi.

Hayo amesema mwakilishi kutoka Ofisi ya Mkuu wa Mkoa wa Ruvuma Amandus Chilumba katika Baraza la Madiwani katika kikao cha robo ya tatu mwaka 2023/2024.

“Hizi Halmashauri  sawa na sarafu ambazo zinategemeana hakuna upande mwingine ni bora kuliko upande wa mwenzake Madiwani hamuwezi kufanya kazi bila wataalam na wataalam hamuwezi kufanya kazi bila madiwani”.

Hata hivyo chilumba amempongeza Mwenyekiti wa Halmashauri hiyo kwa kuhakikisha anamaliza migogoro na kuweka mikakati ya pamoja.

CHilumba ametoa rai kwa madiwani na wataalam kuhakikisha wanabuni vyanzo vipya vya mapato na kusimamia vile ambavyo vipo.

“Mara nyingi nasisitiza wataalam na Madiwani tuibue vyanzo vipya na tusimamie hatuwezi kusimamia wananchi bila kuwa na vyanzo vingi vya mapato tunataka tuone hivyo”.

Nae Mwenyekiti wa Halmashauri hiyo Teofanes Mlelwa amesema kutokana na swala la ukusanyaji wa mapato wamejipanga kuhakikisha wanasimamia  ikiwa bila mapato Halmashauri haitakuwa na maendeleo.

Kutoka Kitengo cha Mawasiliano Halmashauri ya Madaba

April 30,2024.