TARURA Halmashauri ya Madaba barabara zimekamilika kwa asilimia 100

Posted on: January 29th, 2021

HALMASHAURI ya Madaba imetekeleza miradi mitatu ikiwemo barabara zimekamilika kwa asilimia 100 na mradi wa maendeleo chini ya mfuko wa fedha za barabara umetekelezwa kwa asilimia 94.

Akitoa taarifa hiyo Mhandisi Shabani Ally Kasanzu amesema  hali ya barabara katika halmashauri ya madaba imegawanyika katika makundi makuu manne ambapo jumla ya kilomita 31.74 ni barabara za changarawe,kilomita 1.7 Lami,kilomita 593.76 ni barabara za udongo na kilomita 2.5 barabara za nzege.

Kasanzu amesema Wakala wa barabara Vijijini(TARURA) Halmashauri ya Madaba inamtandao wa barabara ya kilomita 629.70 katika hizo kilomita 196.31 ni za mjazo (Feeder Road),399.28 ni za Mkusanyo (Collection Roads)na kilometa 34.11ni za jamii au Kijiji (Community Roads).

Mhandisi amesema miradi inayotekelezwa chini ya mfuko wa fedha za Barabara ni Barabara ya Lutukila,Magingo,Barabara ya Madaba Lita,Magingo-Kipingo yenye kilomita 7 na matengenezo ya sehemu kolofi  kazi imekamilika kwa asilimia 85.

Barabara ya Wino –Ifinga –Luhuji na Madaba ,Maweso,Lukumbulu  matengenezo ya Mda maalumu yenye kilimita 15, kazi imekamilika kwa asilimia 100.

Amesema miradi ya maendeleo inayotekelezwa chini ya mfuko wa fedha za Barabara ya Ifinga,Luhuji,kiwango cha changarawe (DEVO under Road Fund) yenye kilomita 15 imefikia asilimia 94 na kazi bado inaendelea.

“Wakala wa Barabara Vijijini TARURA Halmashauri ya Madaba inakabiliwa na changamoto mbalimbali ikiwemo ufinyu wa bajeti,inayoidhinishwa ukilingana na mtandao halisi wa jiografia,Magari yenye uzito mkubwa kupita kwenye barabara  zilizochini ya wakala,na wananchi kuendesha shughuli za kilimo katika maeneo ya hifadhi ya barabara kuziba mifereji iliyochimbwa”.

Amesema utatuzi wa changamoto hizo wameendelea kuishauri serikali ili kupanua uwigo wa ukomo wa bajeti ya matengenezo ya barabara ikiwa ni pamoja na kutafuta vyanzo vingine vya fedha na kutoa elimu kwa viongozi wa Kata  na vijiji kuhusu sheria na kanuni za barabara zinazosimamia  matumizi na usimamizi wa barabara.

Imeandaliwa na Aneth Ndonde

Afisa habari Halmashauri ya Madaba

Januari 29,2021