TANI 443 za Mbolea za Ruzuku zawanufaisha wakulima Madaba

Posted on: November 16th, 2022

HALMASHAURI ya Madaba imeandikisha Wakulima 20,336 kwaajili ya zoezi la ununuzi wa mbolea ya Ruzuku  hadi kufikia sasa wakulima waliosajiliwa kwa alama za vidole  ni 12,881.

Hayo amesema afisa Pembejeo wa Halmashauri hiyo Thadei Mbele mara baada ya kutembelea vituo vya ununuzi  wa mbolea za Ruzuku 9  vilivyopo katika Maeneo mbalimbali ya Halmashauri na kati ya Mawakala hao watatu wameanza kuuza mbolea hizo ikiwa ni Mtewele General Traders Madaba Ndelenyuma,Damiani Myoka Madaba pamoja na Devota Njawike Madaba.

“Jumla ya Mawakala 9 wamepata nafasi ya  kuwahudumia wakulima  kwa kuwauzia mbolea ya ruzuku  kwa msimu wa kilimo 2022/2023”.

Mbele amesema hadi kufikia sasa Mbolea za Ruzuku zilizoingia katika Halmashauri hiyo Jumla ya Tani zote ni 443 ikiwemo DAP tani 47,MINJINGU PLUS tani 3, MINJINGU TOP DRESSING  tani 1,SA tani 115,CAN tani 50.5,UREA tani 194.5,YARAMILA AMIDAS  tani 32.

Afisa kilimo ameelezea baadhi ya changmoto zilizojitokeza kwa wakulima  waliosajiliwa na kupata namba,kutopata huduma kutokana na kuingiliana kwa namba za wakulima na kutoonekana namba kwenye mfumo.

“Wakulima waliopata changamoto  Suluhisho la changamoto  hizi waje  katika idara ya Kilimo,Mifugo ,na Uvuvi katika Ofisi ya Mkurugenzi wa Halmashauri”.

Amesema changamoto nyingine ni baadhi ya Mawakala wengi waliopata Lesen za Kuuza Mbolea za Ruzuku toka mamlaka kushindwa  kuingia katika biashara ya kuuza Mbolea za Ruzuku kutokana na mitaji midogo.

Imeandaliwa na Aneth Ndonde

Kutoka Kitengo cha Mawasiliano Serikalini Ofisi ya Mkurugenzi Mtendaji Halmashauri ya Madaba

Novemba 16,2022.