SERIKALI yatoa Shilingi Bilioni Moja utekerezaji wa Miradi ya BOOST na SWASH Madaba

Posted on: July 12th, 2023

Serikali  imetoa zaidi ya shilingi Bilioni moja kutekeleza miradi ya Boost na Swash Halmashauri ya Madaba.

Akizungumza Mkurugenzi Mtendaji Sajidu Idrisa Mohamed amesema Halmashauri hiyo imepokea zaidi ya shilingi Milioni 610 kupitia mradi wa Boost kwa ujenzi wa vyumba vya madarasa katika Shule sita za Msingi.

Mohamed amebainisha zaidi kuwa Halmashauri hiyo imepokea zaidi ya shilingi Milioni 436 kupitia mradi wa SWASH  kwaajili ya ujenzi matundu ya vyoo na uwekaji wa miundombinu ya maji katika shule za Msingi 11.

Hata hivyo miundombinu  mingine inayotekelezwa kupitia mradi wa SWASH  ujenzi wa kichomea taka,ujenzi wa placenta na ujenzi wa sehemu ya kunawia  mikono katika Zahanati ya Ngumbiro.

“Kwa niaba ya wananchi wa Halmashauri ya Madaba tunamshukuru sana Mheshimiwa Rais Dkt.Samia Suluhu Hasan kwa kuendelea kutuletea fedha za kutekeleza miradi mbalimbaliya maendeleo”.

Amesema Shule ya Msingi Mahanje imefikia hatua ya Ukamilisha na kufikia asilimia 90 ya Mradi huo.

Kutoka Kitengo cha Mawasiliano Halmashauri ya Madaba

Julai 12,2023.