SERIKALI yatoa Milioni 50 ukamilishaji Zahanati Mahanje

Posted on: May 18th, 2023

SERIKALI imetoa shilingi Milioni 50 kwaajili ya ukamilishaji wa Zahanati katika kijiji cha Mahanje Halmashauri ya Wilaya ya Madaba.

Kamati ya Fedha wametembelea na kukagua mradi huo wa zahanati uliofikia asilimia 80 na kutarajiwa kuanza kutoa huduma hivi karibuni.

Mtendaji wa kijiji cha Mahanje Jabiri Fusi akisoma taarifa kwa kamati ya Fedha amesema kazi zilizobakia ni pamoja na kufunga allumium  madirisha yote,Kufunga milango,pamoja na kuweka malumalu baaddhi ya vyumba ikiwemo chumba cha kujifungulia wanawake.

“Mradi ukikamilika utasaidia kusogeza huduma kwa ukaribu kwa wananchi”

Hata hivyo Diwani wa Kata hiyo Stephano Mahundi amemshukuru Rais samia kwa kuwapatia fedha kwaajili ya ukamilishaji wa Zahanati hiyo pamoja na Mbunge wa Jimbo la Madaba kwa jitihada za kuhakikisha Kata hiyo inapelekewa miradi mbalimbali ya Maendeleo.

Imeandaliwa na Aneth Ndonde

Kutoka Kitengo cha Mawasiliano Halmashauri ya Madaba

Mei 17,2023.