SERIKALI yatatua uhaba wa magari ya wagonjwa Madaba

Posted on: April 30th, 2024

Viongozi wa Halmashauri ya Wilaya ya Madaba wamemshukuru Rais Samia kwa kuleta Magari mapya 2 ya wagonjwa.

Katibu tawala Wilaya ya Songea Mtela mwampamba akikabidhi magari hayo kwa mwenyekiti wa Halmashauri Teofanes Mlelwa na Mkurugenzi Mtendaji Sajidu Idrisa Mohamed ambaye aliwakilishwa na Mkuu wa Idara ya Kilimo Joseph Mrimi amewaasa madereva wa magari hayo kuhakikisha yanatunzwa.

“Nitoe Maagizo kwa madereva watakaoendesha magari haya  wanatakiwa watunze haya magari yanagharama kubwa hii ni ofisi yenu msibebe mbao,mkaa wala magendo magari haya ni kwaajili ya wagonjwa”

Kwa upande wake Mwenyekiti wa Halmashauri hiyo Teofanes Mlelwa  amemshukuru Rais Samia na Mbunge wa Jimbo la Madaba Joseph Mhagama  kwa kuleta magari hayo ambayo yatawasaidia wananchi kupata urahisi wa matibabu.

“Namshukuru Rais wa Jamhuri ya Muungano wa Tanzania kwa kutuletea Magari haya mawili yatatusaidia kwenye vituo vyetu vya Afya mimi kwa niaba ya Madiwani wote tunawashukuru sana”.

Kutoka Kitengo cha Mawasiliano Halmashauri ya Madaba

Aprili 30,2024.