SERIKALI yabadili matumizi eneo la Hekta 4600 lililokuwa linatumika kwa ufugaji kulima Mahindi ya Njano

Posted on: June 7th, 2023

SERIKALI imebadili matumizi eneo  lililotengwa kwaajili ya ufugaji lenye hekta 4600  kijiji cha Ngadinda  kuwa eneo la kilimo cha Mahindi ya njano.

Mkuu wa Wilaya ya Songea Wilman Ndile ametoa taarifa hiyo alipoongea na wananchi katika kijiji hicho eneo hilo  ambalo  serikali ilitenga kwaajili ya wafugaji   kuacha na kuondoka mara moja katika eneo hilo.

Ndile amesema Madaba na Mkoa wa Ruvuma ni eneo la Kilimo na linategemewa kwa kulisha Taifa la Tanzania hivyo ameagiza kukamatwa kwa Ng’ombe watakao onekana katika Wilaya ya Songea na kutozwa faini.

“Hakuna Ng’ombe yoyote kuingia Madaba wananchi naomba mtupe ushirikiano kwa kutoa taarifa mara moja mkiona Makundi ya Mifugo katika Maeneo yenu”.

Mkuu wa Wilaya ameipongeza Serikali kwa uamuzi wa kubadili matumizi  ya eneo la Ufugaji kuwa eneo la Kilimo ambalo litasaidia upatikanaji wa mahindi ya njano  kwaajili ya  kulishia mifugo Tanzania na kupunguza migogoro ya wakulima na wafugaji.

Imeandaliwa na Aneth Ndonde

Kutoka  Kitengo cha Mawasiliano Halmashauri ya Madaba

Juni 6,2023.