SERIKALI Ilivyodhamilia kuboresha mawasiliano Madaba

Posted on: August 16th, 2024

SERIKALI ya awamu ya sita imedhamilia kuboresha mawasiliano katika halmashauri ya Wilaya ya Madaba kwa kujenga minara mitano ya mtandao wa simu katika kata tano.

Hayo amesema Naibu Waziri wa Habari , Mawasiliano na teknolojia ya habari Maryprisca Mahundi katika ziara yake aliyotembelea kata Wino,Matetereka,Mkongotema na Gumbiro iliyojumuisha  vijiji 8.

Mahundi amesema lengo la ziara yake ni kujionea sura ya mawasiliano vijijini  yanaimalika Tanzania nzima na siyo mjini pekee.

“Nyie ni mashuhuda ni miradi mingi ya maendeleo mmeletewa, Mhe. Rais anataka kuhakikisha Tanzania nzima  hadi pembezoni lazima  kasi ya teknolojia ya habari  iendane na  miundombinu na iimarishwe”.

Kwa upande wake mhandisi  kutoka taasisi ya mfuko wa mawasiliano kwa wote (UCSAF) Shirikisho Mpunji amesema kazi yao ni kushugulika na maeneo ya vjijini ambayo yana changamoto ya mawasilino.

“Nimefika hapa nimeona changamoto tulitarajia mnara uliopo lilondo ungeweza kufika wino kulingana na hali ya kijiographia iliyopo Wino tutawajengea  mnara wenu uweze kuwatosheleza “.

Kutoka Kitengo cha Mawasiliano Halmashauri ya Wilaya ya Madaba       

Agosti 16,2024.