RAIS Samia amwaga fedha Kijiji cha Wino Madaba

Posted on: March 26th, 2024

RAIS wa Jamhuri ya Muungano wa Tanzania ameleta fedha kiasi cha shilingi milioni 701 katika kijiji cha Wino Kata ya Wino Halmashauri ya Wilaya ya Madaba kwaajili ya utekelezaji wa miradi mbalimbali ya maendeleo.

Hayo amezungumza Mkurugenzi Mtendaji wa Halmashauri hiyo Sajidu Idrisa Mohamed  alipokuwa anasikiliza kero za wananchi wa Kata ya Wino.

“Milioni 701 siyo fedha ndogo katika Kijiji na fedha za Elimu bure pamoja na TASAF ambazo wanaendelea kutoa”.

Hata hivyo amewapongeza wananchi hao kwa ushirikiano  wa ujenzi wa miundombinu na kazi nzuri ya ujenzi wa  shule mpya ya Sekondari Lilondo iliyojengwa kwa shilingi Milioni 560  kupitia mradi wa SEQUIP na kuanza kutoa huduma mwezi Januari 2024.

Kutoka Kitengo cha Mawasiliano Halmashauri ya Madaba

Machi 26,2024.