PINGA Ukatili wa Kijinsia kwa nguvu zote ili kupata viongozi shupavu wa Taifa letu

Posted on: November 29th, 2022

KUFUATIA  kampeni ya siku 16 ya kupinga ukatili wa Kijinsia kwa wanawake na watoto Maafisa maendeleo ya Jamii na Ustawi wa Jamii Halmashauri ya Madaba wametoa elimu katika Shule ya Madaba Day Sekondari na Shule ya Msingi Madaba.

Afisa Ustawi wa Jamii Livin Tarimo akitoa elimu ya ukatili wa kijinsia kwa wanafunzi wa Shule ya Sokondari Madaba Day  amesema madhara  yakufanyiwa ukatili ukiwa mdogo yanaweza kupelekea  kuleta matatizo ukubwani.

“Ninyi ni wasomi mnategemewa kutengeneza kizazi cha watu bora leo ni mwanafunzi kesho ni kiongozi ukifanyiwa ukatili wa kijinsia unaweza kuwa mtu wa visasi na hasira”.

Tarimo amewaasa wanafunzi hao kutoa taarifa kwa uongozi husika kama watafanyiwa ukatili na wazazi,au walimu  pamoja na watu wengine au kusikia mwenzao kafanyiwa ukatili wa kijinsia na watu wakaribu awebalozi kwa kutoa taarifa.

“Tuanze kutumia Elimu kuanzia sasahivi bila kusubiri  kufika chuo kikuu ukifanyiwa ukatili leo ukawa daktari unaweza kuua wagonjwa kwa kudhania kuwa wanaume wote au wanawake wote ni wakatili”.

Juma Komba ambaye ni Afisa Maendeleo ya Jamii Halmashauri ya Madaba amewaeleza wanafunzi hao sehemu ya kutoa taarifa endapo watafanyiwa ukatili wakijinsia  ikiwemo  kwa walimu wa malezi,Dawati la jinsi au Ofisi ya Ustawi wa Jamii pamoja na ofisi za Serikali za Mitaa.

Imeandaliwa na Aneth Ndonde

Kutoka Kitengo cha Mawasiliano Serikalini Ofisi ya Mkurugenzi Mtendaji Halmashauri ya Madaba

Novemba 29,2022.