NYAMA ya Sungura suluhisho la Udumavu kwa watoto

Posted on: August 4th, 2023

MFUGAJI wa Sugura wa Kisasa kutoa Kata ya Mkongotema Halmashauri ya Wilaya ya Madaba Meshack Vila ameelezea faidi ya Nyama ya Sungura kwa afya ya binadamu.

Mfugaji huyo anapatikana katika banda la Madaba linapatikana katika viwanja vya Maonnyesho ya Nane nane vya John Mwakangale Mkoani Mbeya amesema Nyama ya Sungura ipo katika kundi la Nyama nyeupo ambayo kiafya ni nyama bora  baada ya Samaki,Simbilisi inafuata nyama ya Sungura.

Vila amesema nyama hiyo mara baada ya kula inayeyuka mapema tumboni na inafaa kutumiwa na makundi yote ya binadamu,inaviwango vizuri vya protini na baadhi ya Madini ambayo yanasaidia katika Mwili wa binadamu katika suala zima la ukuaji.

“Kama unavyojua Mikoa yetu ya Kusini inaudumavu  tunashauri watu wafuge Sungura ili watoto wapate protini  waepukane na hayo matatizo”.

Hata hivyo  amesema ufugaji wa Sungura siyo wa kitoto bali ni ufugaji wa maendeleo na uchumi kimsingi kuamua kufuga kwa tija na kwa kisasa.

Amesema ukianza kufuga Sungura 3 majike 2 na dume moja kwa mwaka unaweza kuwa na Sungura 90 hadi 100 kwa mda wa mwaka mmoja.

Kutoka Kitengo cha Mawasiliano Halmshauri ya Wilaya ya Madaba

Agosti 4,2023.