NAIBU waziri :Serikali itafanyia kazi maelekezo yote ya Wabunge

Posted on: March 15th, 2024

SERIKALI ya awamu ya sita inayoongozwa na Rais Samia inatarajia kujenga Stendi ya Mabasi  Madaba Mkoa wa Ruvuma  na kupanua ujenzi wa soko linalojengwa kwa shilingi Milioni 190 kupitia mradi wa TASAF.

Hayo ameyasema Naibu Waziri wa Ofisi ya Rais,Menejimenti ya Utumishi Umma na Utalawala bora Mbunge wa Jimbo la Chalinze Ridhiwani Kikwete walipotembelea Mkoa wa Ruvuma hususani Jimbo la Madaba.

Hata hivyo amemshukuru Mkuu wa Mkoa wa Ruvuma Kanal.Ahmed Abass Ahmed ambaye amewakilishwa na Mkuu wa Wilaya ya Nyasa Peres Magiri  kwa kuwapokea na kufanikiwa kutembelea miradi mbalimbali ya maendeleo katika Mkoa huo.

Kikwete  amemaliza  ziara Jimbo la Madaba  iliyojumuisha Kamati ya kudumu ya Bunge  utawala Katiba na Sheria katika stendi ya Madaba amewahakikishia kuwa Serikali italifanyia kazi suala la ujenzi wa Stendi hiyo.

“Kwaniaba ya Mkuu wa Mkoa wa Ruvuma tunashukuru sana siku mbili ya ziara yetu tumeona mengi na tumejifunza vingi katika Maeneo mengi sana kwa wananchi tuwahakikishie Serikali inayoongozwa na Rais Samia ametuelekeza tukasimamie maisha ya watu hususani ninyi wa Madaba na Nchi yetu kwa ujumla”.

Hata hivyo kwa niaba ya Serikali  amemshukuru Mwenyekiti wa Kamati hiyo Mbunge wa Jimbo hilo Joseph Mhagama kuwa maagizo yote kutoka kwa Wabunge   watayafanyia kazi ikiwemo ujenzi wa stendi ya Madaba.

Kutoka Kitengo cha Mawasiliano Halmashauri ya Madaba

Machi 14,2024.