MZEE Mshauri wa Mahanje SACCOS awafunda viongozi wa bodi

Posted on: October 13th, 2023

Leo Oktoba 13 Mahanje SACCOS  wamefanya mkutano mkuu wa mwaka na kufanya uchaguzi wa viongozi wa wajumbe wa bodi,Kamati ya  usimamizi na mjumbe  mwakilishi wa mkutano mkuu Halamshauri ya Madaba.

Mzee mshauri wa Mahanje SACCOS  Makaria Lupogo akizungumza mara baada ya uchaguzi huo amesema wanachama hao wahakikishe wanakopa na kulipa kwa wakati itapelekea kufanikisha malengo ya SACCOS hiyo.

“Siyo leo mnakopa halafu hamlipi mnahangaika kwenda kukopa kwingine sisi hii SACCOS imetulea na tumesomesha watoto wetu”.

Lupogo amewapongeza viongozi waliochaguliwa wafanye kazi na kuhakikisha SACCOS hiyo inasonga mbele.

Kwa upande wake Diwani wa Kata ya Mahanje Stephano Mahundi amesema  amekuwa  mwenyekiti wa kamati ya usimamizi wa SACCOS kwa kipindi cha miaka  6 na mjumbe wa kamati ya bodi kabla ya kuwa Diwani wa Kata ya Mahanje.

Mahundi amewaasa viongozi  waliochaguliwa kuwa wamepewa nafasi ya kusimamia kazi  ikiwa watu wengi wanaitazama hivyo wafanye kazi kwa weledi ili SACCOS hiyo iweze kufanya vizuri.

Kutoka kitengo cha Mawasiliano Halmashauri ya Madaba

Oktoba 13,2023.