MWILI wa aliyekuwa Kaimu nafasi ya Afisa Tarafa waagwa leo Madaba

Posted on: February 28th, 2023

MWILI wa aliyekuwa anakaimu nafasi ya Afisa Tarafa Halmashauri ya Wilaya ya Madaba Marehemu Showing Mapunda umeagwa leo na wananchi wa Halmashauli hiyo Nyumbani kwake.

Zoezi la kuaga mwili limefanyika Nyumbani kwake kijiji cha Ifugwa Kata ya Mahanje Halmashauri ya Madaba na kupelekwa Manispaa ya Songea kwaajili ya Mazishi siku ya Jumatano.

Mkurugenzi Mtendaji wa Halmashauri hiyo akitoa neno katika zoezi hilo ametoa pole kwa wananchi, watumishi wa Halmashauri hiyo pamoja na Familia ya Marehemu Showing Mapunda.

“Mimi nimekuwa hapaMadaba  takribani ya miaka miwili Mapunda amekuwa mfano kwangu lakini na kwawatumishi wengine,amekuwa mpambanaji hasa katika majukumu ya Kiserikali”.

Kaimu Mkuu wa Idara ya Utumishi Pendo Chagu amesoma taarifa ya Marehemu ikiwa Kifo hicho kimetokea Februari 25,2023 katika Hospitali ya Ikonda Mkoa wa Njombe Wilaya ya Makete ,Marehemu Mapunda alizaliwa Aprili 4,1975 Mkoa wa Ruvuma Wilaya ya Nyasa.

Chagu amesema Marehemu Mapunda alisoma elimu yake ya Msingi kuanzia mwaka 1984/1990 katika Shule ya Msingi Kiwanjani,alisoma Shule ya Sekondari ya wavulana Songea mwaka 1991/1994.

Hata hivyo alifanikiwa kujiunga na Chuo cha Serikali za Mitaa Hombolo Dodoma  mnamo mwaka 2010 na kuhitimu 2012 alisomea shahada ya Uongozi katika Serikali za Mitaa .

Amesema marehemu Showing aliajiliwa na Serikali mwaka 2003 kama Mtendaji wa Kijiji daraja III katika Halmashauri ya Songea na kufanya katika vituo mbalimbali,mara baada ya kupatikana Halmashaauri ya Madaba alihamishwa mnamo mwaka 2015.

“Marehemu Showing amefunga Ndoa mwaka 2005 alimuoa bi. Secla Ally Msaka ndoa hiyo ilifungwa katika Kanisa la Anglikan Manispaa ya Songea na kupata watoto 5”.

Kutoka kitengo cha Mawasiliano Serikalini Ofisi ya Mkurugenzi Halmashauri ya Madaba

Februari 28,2023.