MWILI wa aliyekuwa Diwani Kata ya Mtyangimbole wazikwa

Posted on: May 12th, 2023

MWILI wa aliyekuwa Mh.Diwani wa Kata ya Mtyangimbole Halmashauri ya Madaba Mkoa wa Ruvuma Erick Mkorwe umezikwa  leo.

Zoezi la mazishi limefanyika Nyumbani kwake kijiji cha Likarangilo na  kuhudhuria na viongozi mbalimbali wa chama cha Mapinduzi (CCM) pamoja na Viongozi wa Serikali.

Mkurugenzi Mtendaji wa Halmashauri hiyo Sajidu Idrisa Mohamedi  akitoa taarifa ya Marehemu alifikwa na umauti mara baada ya kupata ajali ya Pikipiki alipokuwa akitekeleza majukumu yake ya kazi.

Amesema Marehemu alizaliwa Februari 5,1973 na umauti  ulimkuta Mei 10,2023,pia alifanikiwa kuwa na watoto 10 wakike 5 pamoja na wakiume 5.

Mohamed amewashukuru Viongozi wote kwa ushirikiano pamoja na watumishi wa Halamshauri ya Wilaya ya Madaba.

Padri Kelvin Mkondora aliyeongoza ibada ya mazishi amewapongeza wananchi kwa ushirikiano na kujitokeza kwa wingi katika msiba huo  bila kujali Dini wala kabila.

Kutoka Kitengo cha Mawasiliano Halmashauri ya Madaba

Mei 12,2023