MWENYEKITI CCM Ruvuma awapongeza Wataalam Madaba kwa Nidham

Posted on: June 23rd, 2023

MWENYETIKI wa chama cha Mapinduzi (CCM) Mkoa wa Ruvuma  Oddo Mwisho ameipongeza Halmashauri ya Madaba kwa kupata Hati safi .

Akizungumza katika kikao maalumu cha baraza la Madiwani la kujadili  utekelezaji wa hoja za Mkaguzi na Mdhibiti Mkuu wa Hesabu za Serikali (CAG)  amesema mafanikiao hayo  yamepelekea nidhamu kwa wataalam na Madiwani kwa matumizi ya fedha za wananchi.

“Kati ya Halmashauri ambazo zimefanya vizuri kwa mda mrefu ni Madaba ,nichukue fursa hii kuwapongeza kwa dhati ya moyo wangu kwa kuendelea kupata hati safi “.

Mwisho ametoa rai  kwa wataalamu na Madiwani kuendelea kutunza nidhamu pamoja na uaminifu katika utendaji kazi  na kuuendelea kupata hati safi kwa miaka inayofuata.

Hata hivyo amempongeza Mwenyeki wa Halmashauri  Teofanes Mlelwa kwa namna ambavyo anasimamia Halmashauri hiyo hasa usimamiaji na  utekelezaji wa Miradi inayoletwa na Serikali  kwa ubora na Viwango.

“Mara nyingi tukitembelea miradi na kukagua Halmashauri ya Madaba imekuwa na Miradi mizuri,inayoonyesha thamani ya fedha,na kumaliza miradi kwa wakati hongereni sana”.amesema Mwisho.

Imeandaliwa na Aneth Ndonde

Kutoka Kitengo cha Mawasiliano Halmashauri ya Madaba

Juni 22,2023.