MWENGE wa Uhuru kukimbizwa Mkoani Ruvuma siku tano

Posted on: August 19th, 2021

MBIO maalum za  Mwenge wa Uhuru zinatarajia  kuanza mkoani Ruvuma Septemba mbili na kukamilika Septemba saba mwaka huu.Kwa mujibu wa ratiba ya Mwenge wa Uhuru kitaifa 2021,Mwenge unatarajiwa kupokelewa  katika kijiji cha Sautimoja wilayani Tunduru ukitokea mkoani Mtwara Septemba mbili ambao utakimbizwa wilayani Tunduru.

Kwa mujibu wa ratiba hiyo Septemba tatu, Mwenge wa Uhuru utakimbizwa wilaya ya Namtumbo,Septemba nne Mwenge wa Uhuru utakimbizwa katika Halmashauri mbili za  wilaya ya Mbinga,Septemba tano utakimbizwa katika wilaya ya Nyasa na Septemba sita  Mwenge wa unatarajia kuhitimisha mbio zake katika Halmashauri tatu za wilaya ya Songea ambazo ni Halmashauri ya Songea,Manispaa ya Songea na Halmashauri ya Madaba.

Jumla ya miradi 43 yenye thamani ya zaidi ya shilingi bilioni kumi inatarajiwa kupitiwa na Mwenge wa Uhuru mwaka huu  ambapo Septemba saba mwaka huu Mwenge wa Uhuru unatarajiwa  kukabidhiwa mkoani Njombe

Kaulimbiu ya Mwenge wa Uhuru mwaka huu ni

"TEHAMA ni msingi wa Taifa endelevu,itumie kwa usahihi na uwajibikaji"

"Kupambana na rushwa ni jukumu langu"

"Mshikamano wa kitaifa, tuwajibike kwa pamoja"

"Tujenge jamii yenye afya imara kuzingatia lishe bora"

"Ziro malaria inaanza na mimi,nachukua kuitokomeza"