MWEKEZAJI amaliza kero ya Vitanda Sekondari Ifinga Madaba

Posted on: October 9th, 2023

MWENYEKITI wa Kamati ya Siasa Mkoa wa Ruvuma Komred Oddo Mwisho amekabidhiwa vitanda 20 vilivyotolewa na mwekezaji wa Kijiji cha Ifinga kampuni ya Mufindi Woodpoles planting and Timber Ltd.

Awadhi nyagongo akiwakilisha kampuni hiyo amesema wametoa msaada wa vitanda hivyo kwaajili ya kumaliza changamoto za wanafunzi wa Shule ya Sekondari Ifinga.

Hata hivyo Kampuni hiyo imetoa shilingi Laki nane kwaajili ya ukarabati wa Ofisi ya Tawi la chama cha Mapinduzi Ifinga.

Mkuu wa Shule ya Sekondari Ifinga Agustino Mbawala amesema shule hiyo  inajumla ya wanafunzi 80 kuanzia kidato cha kwanza hadi kidato cha nne.

Moja ya wanafunzi wa shule hiyo Rehema Gwide amemshukuru mwekezaji huyo kwa kuwapa vitanda ikiwa kabla walikuwa wanatumia kitanda kimoja wanafunzi  watatu.

Kutoka Kitengo cha Mawasiliano Halmashauri ya Madaba

Oktoba 9,2023.