MWAMPAMBA aongoza Kikao cha kutoa maoni ya dira ya Taifa ya Maendeleo 2026/20250

Posted on: August 13th, 2024

Mkuu wa Wilaya ya Songea Kapenjama Ndile amewakilishwa na Katibu tawala Wilaya ya Songea Mtela mwampamba ameongoza kikao cha Kujadili na kutoa maoni ya Dira yaTaifa ya  maendeleo  ya mwaka 2026/2050.

Kikao hicho kimefanyika katika ukumbi wa Manispaa ya Songea ikijumuisha Halmashauri tatu za Wilaya ikiwemo Manispaa ya Songea,Halmashauri ya Songea na Madaba.

Mwampamba akizungumza katika kikao hicho cha kutoa maoni amesema dira ni mwongozo unaowafanya Watanzania waishi kwa mtindo waliouweka katika kuongoza  Taifa.

“Dira ya Taifa ya  maendeleo inaweza kuwa ya mda mfupi  miaka mitano,mda wa kati miaka 25, na mda mrefu miaka 50 hadi 75”.

Amesema katika nchi ya Tanzania mara baada ya kupata Uhuru 1961 hakukuwa na dira ya Taifa ya maendeleo kilichokuwa kinafanyika ni kuhakikisha mambo yanafanyika kulingana na wakati  uliopo.

“Wazee wangu mnajua kwamba tulikuwa na sera zetu na maadhimio ya Arusha ,kilimo hatukuwa na dira ya Taifa ya maendeleo ya kutuongoza tulipofika mwaka 1980 tuliona tuwe na dira ya Taifa”.

Imeandaliwa na Aneth Ndonde

Kutoka Kitengo cha Mawasiliano Halmashauri ya Wilaya ya Madaba

Agosti 12,2024.