MVUA kali ya upepo yanyesha kwa dakika 10 na kuezua madarasa shule ya msingi likarangiro Madaba

Posted on: March 13th, 2024

MVUA iliyoambatana na upepo mkali iliyonyesha  takribani  dakika 10 Machi 12,2024 majira ya jioni imeezua  madarasa mawili na vyoo katika shule ya Msingi Likarangiro na nyumba moja ya mwananchi Kata ya Mtyangimbole Halmashauri ya Wilaya ya Madaba.

Viongozi mbalimbali wa Halmashauri hiyo akiwemo  Mkurugenzi Mtendaji Sajidu Idrisa Mohamed amewakilishwa na Joseph Mrimi Mkuu wa Idara ya Kilimo wamefika katika eneo hilo kuhakikisha wanakarabati madarasa hayo ili wanafunzi waweze kuendelea na masomo yao.

Mwenyekiti wa Kijiji cha Likarangiro Rajab Mipango Mpumila amewashukuru viongozi hao kwa kufika katika eneo la tukio kwa wakati na kuwahakikishia kufanya zoezi la ukarabati wa madarasa ambayo yameezuliwa na upepo ili wanafunzi waweze kurejea madarasani.

Kutoa Kitengo cha Mawasiliano Halmashauri ya Madaba

Machi 13,2024.