MSUYA atoa rai kwa Watanzania kuomba ruzuku ya mradi wa utunzaji wa Mazingira

Posted on: March 22nd, 2023

WALIMU Halmamashauri ya Madaba wapewa mafunzo ya uanzishwaji wa vitalu na upandaji Miti Mashuleni katika Shule za Msingi nne.

Mafunzo hayo yametolewa na Mtendaji Mkuu Mfuko wa Misitu Tanzania Taasisi ambayo  ipo chini ya Wizara ya maliasili na Utalii Tuli Msuya katika ukumbi wa Halmashauri kwa  shule za Msingi nne Njege,Lilondo,Mahanje,na Igawisenga.

Hata hivyo amesema kupitia mradi huo wadau lazima wawe wameanza kutekeleza mradi wa uhifadhi ili wapatiwe ruzuku kwaajili ya uwezeshaji wa mradi ambao ulioanza  kutekelezwa.

Msuya amesema mradi huo ni chanzo cha uhakika na niendelevu kwaajili ya kugharamia ,kuwezesha na uhifadhi wa maliasili na misitu Nchini Tanzania ikiwa mfuko huo unatoa uwezeshaji kupitia ruzuku kwa wadau ambao wanawasilisha maombi kwaajili ya kuomba ruzuku dirisha la maombi hutolewa Desemba na kufungwa Machi kila Mwaka.

Msuya amesema  ruzuku hiyo inatolewa kwa Mikoa yote Tanzania Bara ikiwa kwa Mkoa wa Ruvuma wameanza na Wilaya tatu Songea,Mbinga na Nyasa.

“Nawasihi sana Walimu pamoja na viongozi wa Halmashauri mhamasishe Shule wawasilishe maandiko kwaajili ya kunufaika na mradi”.

Amesema Ruzuku hiyo hutolewa kwa watu wote kwa maana watu binafsi,vikundi vya kijamii,asasi za kiraia, Taasisi za Serikali,Taasisi za kidini, Watafiti na mashirika yasiyo ya kiserikari.

Hata hivyo Msuya amesema lengo la mradi huo wa uanzishwaji wa vitalu na upandaji miti nikwaajili ya kuiweka Tanzania kuwa kijani na watanzania kuendelea kupata hewa ya oksijeni, hivyo shule ambazo zimepatiwa  mafunzo na kupewa ruzuku wataotesha vitalu na kugawa miche  katika Shule zingine pamoja na wananchi.

Kutoka kitengo cha Mawasiliano Serikalini Halmashauri ya Madaba

Machi 22,2023.