MRADI wa Boost watambulishwa kwa wananchi wa Kata ya Mtyangimbole na Gumbiro

Posted on: April 25th, 2023

WATAALAM wa Halmashauri ya Madaba wametambulisha mradi wa Boost katika Kata ya Mtyangimbole na Kata ya Gumbiro.

Akizungumza katika Mkutano wa wananchi Afisa Elimu Msingi na Awali Saada Chwaya amesema mradi wa Boost katika Kata ya Mtyangimbole upo katika Shule ya Msingi Ngembambili ambapo madarasa mawili yatajengwa na matundu ya vyoo matatu na fedha iliyotengwa ni shilingi Milioni 53,100,000/=.

Katika Shule ya Ngadinda iliyopo kata ya Gumbiro amesema yatajengwa Madarasa 2 na matundu ya vyoo 3 sawa na shilingi Milioni 53,100,000/= Fedha hizo  zimekwisha ingia  katika account ya Shule.

Kwa upande wake Afisa Maendeleo katika Halmashauri hiyo Bashiru Mgwasa amezungumza katika mkutano huo uliojumisha  kata 2 ametaja majukumu ya  wananchi  katika utekelezaji wa mradi ikiwa ni pamoja na  kusafisha eneo la ujenzi,kuchimba msingi pamoja na  kuchimba shimo la choo.

Diwawni wa Kata ya Mtyangimbole Erick Mkolwe amehamasisha wananchi hao kuhakikisha wanakuwa na umoja na mshikamano katika utekelezaji wa ujenzi wa miradi hiyo ili kuhakikisha wanamaliza kwa wakati ili Serikali iweze kuwaletea miradi mingine.

Naye Diwani wa Kata ya Gumbiro Gustaph Tindwa ametoa rai kwa wananchi wa Kata hiyo kuanza utekelezaji wa mradi huo mara moja ikiwa fedha zimekwishaingia katika accont ya Shule.

Kutoka ofisi ya Mkurugenzi Halmashauri ya Madaba

Aprili 25,2023.