MKUU wa Wilaya ya Songea aongoza zoezi la upandaji Miti Madaba

Posted on: January 17th, 2024

MKUU wa Wilaya ya Songea Wilman Ndile ameongoza zoezi la upandaji miti katika Shule ya Sekondari Joseph Mhagama Halmashauri ya Madaba.

Akizungumza katika zoezi hilo ametoa rai kwa wananchi kuendeleza zoezi la upandaji miti ya matunda katika maeneo mbalimbali hususani katika maeneo ya Shule.

Hata hivyo Mkurugenzi Mtendaji wa Halmashauri hiyo Sajidu Idrisa Mohamed amesema zoezi hilo limekuwa endelevu katika Halmashauri ya Wilaya ya Madaba kwa kupanda miti katika mazingira mbalimbali.

Amesema kufuatia agizo la Mkuu wa Mkoa wa Ruvuma Kanal Laban Thomas kuhakikisha wanapanda miti yakutosha ya matunda katika maeneo ya shule pamoja na utunzaji wa Mazingira.

Kwa upande wake Afisa misitu shamba la miti Wino (TFS) Mustapher Yange katika zoezi hilo amesema wametoa miche 2500 ya matunda na   mizambarau kwaajili ya utunzaji wa vyanzo vya maji.

Kutoka Kitengo cha Mawasiliano Halmashauri ya Madaba

Januari 17,2024.