MKETO azindua maonyesho ya Bidhaa ya wajasiliamali Ruvuma

Posted on: September 29th, 2021

KATIBU Tawala msaidizi Rasilimali watu wa  Mkoa wa Ruvuma  Bakari Ally Mketo amezindua maonyesho ya bidhaa za Kitanzania na kuwaasa akina mama kuwaheshimu waumezao.

Hayo amezungumza katika kongamano hilo na kutoa rai kwa wanawake wajasiliamali kulinda familia zao maana wanawake wengine mara baada ya kujipatia kipato kukosa uaminifu katika familia zao.

Akizungumza katika Kongamano hilo linaloendelea kufanyika katika Viwanja vya Bustani ya Manispaa ya Songea amesema Serikali inatambua mchango wa wanawake katika kukuza na kuimarisha Uchumi wa Nchi.

Mketo amesema maonyesho haya ni sehemu ya kutambua mchango wa wanawake katika biashara na ujenzi wa uchumi wa Taifa na kuwapa nafasi wanawake wafanyabiashara,kuwajengea uwezo kupitia mafunzo ya usindikaji,kubadilishana taarifa za kibiashara,uwekezaji,kujifunza,kurasimisha biashara pamoja na kuunganishwa na Taasisi mbalimbaliza.

“Wakati natembelea mabanda ya maonyesho nimejionea ubora wa bidhaa na huduma nyingi ambazo wanawake kutoka Ruvuma na Mikoa mingine mnazalisha

Hata hivyo Mketo amesema amewasihi wanawake kuendelea kuzalisha bidhaa zenye viwango ili kukidhi mahitaji ya soko pamoja na ushindani unapoongezeza na thamani ya biashara inaongezeka kuliko kuuza mazao kama yalivyo.

Mketo ametoa wito kwa wanawake kuhakikisha wanaitumia TWCC kwani ni chama kikubwa ,ni mtandao wa wanawake ambao uponchi nzima ambao ni kiunganishi kati ya Serikali na Wanawake wafanyabiashara Tanzania.

Mwenyekiti wa Chama cha wanawake Mkoa wa Ruvuma Xsaveria Mlimira akisoma Lisala kwa mgeni rasmi ameeleza changamoto wanayopata ni pamoja na mikopo inayotolewa kwenye vikundi  haikidhi mahitaji na kutofikia malengo ya Tanzania ya Viwanda.

Mlimira ameeleza mafanikio waliyopata wanawake ikiwemo kufungua ofisi ya Mkoa ambayo ipo katika eneo la Kanisa la Anglikani pamoja na kufanya kongamano kubwa la wajasiliamali  la wanawake Mkoa wa Ruvuama  lilifanyika Agasti 25,2020, na kupata elimu kutoka Sido,TBS, na Taasisi za kifedha.

Imeandaliwa na Aneth Ndonde

Afisa habari Madaba

Septemba 29,2021