MILIONI 90 yabadilisha muonekano wa Shule ya Msingi Wino

Posted on: January 23rd, 2024

SERIKALI ya Awamu ya sita imeleta fedha kiasi cha shilingi Milioni 360,000,000 kwaajili ya ukarabati wa Madarasa  24 Halmashauri ya Madaba.

Fedha hizo zimepelekwa katika shule za Msingi ya Matetereka,Ifinga,Wino na Luhimba ikiwa kila shule imepewa Milioni 90 kwaajili ya ukarabati wa madarasa 6.

Kamati ya Fedha Halmashauri ya Wilaya ya Madaba wametembelea shule ya Msingi Wino ambapo ukarabati wa madarasa hayo umefikia asilimia 90 na baadhi ya madarasa yameanza kutumika.

Mtendaji wa Kata ya Wino Paskina Mhagama katika ziara hiyo amewashukuru viongozi kwa kupeleka fedha na kubadilisha muonekano wa Shule hiyo ikiwa wanafunzi wanapenda kusoma katika shule hiyo.

“Tunamshukuru Rais Samia  na Mbunge wa Jimbo la Madaba kwa kutuletea fedha zimebadilisha muonekano wa shule”.

Hata hivyo Mtendaji ameomba  kwa awamu nyingine kwa viongozi kutoa fedha kwaajili ya ukarabati wa madarasa yaliyobaki  ikiwa  watoto wanakataa kusomea katika madarasa ambayo  hayajakarabatiwa.

Kutoka Kitengo cha Mawasiliano Halamshauri ya Madaba

Januari 23,2024.