MGOGORO wa mpaka wa Songea Vijijini na Madaba kumalizika kabla ya Mwaka 2023 Kuisha

Posted on: November 11th, 2023

MKUU wa Wilaya ya Songea Wilman Ndile amewahakikishia Madiwani wa Halmshauri ya Wilaya ya Madaba kumaliza mgogoro wa mpaka wa Songea Vijijini na Madaba kabla ya Mwaka 2023 kuisha.

Hayo amezungumza katika kikao cha Baraza la Madiwani cha robo ya kwanza ya Mwaka 2023/2024 amesema Halmashuri ya Madaba inamwelekeo mzuri ikiwa hakuna jambo linalovunja moyo.

“ Mkuu wa Mkoa ameniagiza ofisi yake ikotayari kutoa ushirikiano wa asilimi zote  mnapopata changamoto ikiwa jambo la mpaka wa Songea Vijijini na Madaba unaathiri mapato”.

Ndile amesema jambo hilo la mpaka linafanyiwa kazi kwa kina ili kuhakikisha mgogoro huo hauathiri kuingiza mapato kwa Halmashauri ya Madaba kwa kudai vijiji na vitongoji vipo upande wa Songea Vijijini.

“Nilimpa mrejesho Mkuu wa Mkoa na nilisisitiza Halmashauri ya Madaba ndio wenye haki ikiwa haina sababu ya kuegemea upande mmoja Wilaya ya Songea yote nasimamia mimi”.

Hata hivyo amesema Kamishna wa Ardhi Mkoa wa Ruvuma  amejiridhisha na wataalam kwa kuzingatia ramani na nyaraka zote.

Kutoka kitengo cha Mawasilino Halmashauri ya Wilaya ya Madaba

Novemba 11,2023.