MBUNGE Mhagama Madaba atoa shilingi Milioni 2,620,000/= kwa vikundi Ifinga

Posted on: September 23rd, 2023

MBUGE Jimbo la Madaba Joseph Mhagama  ametoa kiasi cha Shilingi Milioni 2,620,000/= kwa Vikundi 4 na Saruji Mifuko 30 kwa Matawi  Mawili ya Chama cha Mapinduzi Kata ya Matumbi Kijiji cha Ifinga.

Mhagama akiwa katika majukumu ya Kiserikili amewakilishwa na Mwenyekiti wa Halmashauri ya Wilaya ya Madaba Teofanes Mlelwa amesema fedha hizo nikwaajili ya kuendeleza miradi yao inayofanyika katika vikundi hivyo.

Amesema vikundi hivyo kikiwemo kikundi cha Wazee Ifinga  ufugaji wamepewa shilingi Laki 5,Mshikamano Ifinga ufugaji wa Nyuki wamepewa Laki 5,Twikwege  wamepewa Laki 5,Akinamama tusaidiane Vikoba Laki 5,Tawi la Chama cha Mapinduzi Ifinga  Mifuko 15  ya saruji na Tawi la Mjengo saruji mifuko 15.

Hata hivyo Mlelwa amechangia shilingi Elfu 40,000/= kwa Tawi la chama cha Mapinduzi Ifinga na Tawi la Majengo 40,000/= Jumla elfu 80,000/=.

Moja ya wanakikundi hao Solomon Konyani amemshukuru Mbunge Mhagama kwa kutekeleza ahadi yake kwa vikundi ambayo  vitawasaidia kuendeleza Miradi yao.

“Tunampongeza kwa jitihada zake kuhakikisha Ifinga Maendeleo mbalimbali yanafika maana tulikuwa watu wa chini sana,  Ifinga tumeletewa Umeme ambao umefikia hatua ya Mwisho tuanze kutumia”.

Imeandaliwa na Aneth Ndonde

Kutoka Kitengo cha Mawasiliano Halmashauri ya Madaba

Septemba 23,2022.