MASHINDANO ya Umitashumta yazinduliwa Ruvuma

Posted on: July 21st, 2022

MKUU wa Mkoa wa Ruvuma Brigedia Jenerali Wilbert Ibuge akiwakilishwa na Mkuu wa Wilaya ya Songea  Pololet Mgema  amezindua mahindazo ya Michezo  ya umitashumta.

Uzinduzi huo umefanyika katika viwanja vya Matogoro Manispaa ya Songea ikijumuisha Halmashauri zote nane za Mkoa wa Ruvuma na kujumuisha Shule za Sekondari na Msingi.

Akizungumza katika halfa hiyo ya uzinduzi   Mgema ametoa rai kwa Wakurugenzi wa Halmashauri kuwezesha Mashindano hayo ili waweze kufanya vizuri na kuchukua ushindi .

“Niwasisitize tunahitaji timu bora itakayo wakilisha Mkoa wetu na tunahitaji wanamichezo sahihi “.

Mgema amesma  halmashauri zote zihakikishe zinatoa wanamichezo kwa idadi iliyopangwa kwenye kambi ya Mkoa na kuwezesha shughuli zote zitakazofanyika ili Ruvuma iweze kuwa kinara katika Michezo .

Kwa upande wake Katibu tawala msaidizi  upande wa Elimu Emanuel kisongo amesema Mkoa tumeweka maandalizi ya kutosha na ni  muhumu sana kushiriki mashindano hayo.

Kisongo  ameipongeza Halmashauri ya Madaba kwa kuwa na ushirikiano na Mkoa na kuhakikisha Shule hiyo inakuwa na vigezo vya kutosha kwa kutoa eneo la hekari 50 na Shule hiyo kuwa na sifa .

Vile vile mashindano hayo ya umitashumta kwa mwaka huu 2022 kilele chake kitaifa yatafanyika Mkoa wa Tabora ya kuhusisha Mikoa yote hapa nchini.