MADABA wavuka lengo utoaji wa Chanjo ya Surua na Rubbela

Posted on: February 17th, 2024

WANANCHI wa Halmashauri ya Wilaya ya  Madaba wamefikiwa na Chanjo ya Surua na Rubbela 7215 ambapo lengo lilikuwa kuwafikia watu 6950.

Hayo amesema mratibu wa chanjo wa Halmashauri ya Madaba Claudius Makori kuwa  ugonjwa wa Surua kwa watoto unaathali mbalimbali ikiwemo masikio kuto usaa na kusababisha kuto sikia,vidonda vya macho na kusababisha upofu, Nimonia,utapia mlo,kuvimba ubongo na kifo.

Makori amesema dalili za ugonjwa wa Surua kuwa na homa mafua na kikohozi,macho kuwa mekundu na kutoa maji pamoja na vipele vidogo hutokea kuanza katika paja la uso, nyuma ya masikio.

Hata hivyo amesema ugonjwa wa Rubbela husababishwa na Virusi vya Rubbela na kuenezwa kwa njia ya hewa,huwapata watoto wadogo hata kwa mama mjamzito.

“Ugonjwa huo ukimpata mama mjamzito unaleta athali kama  vile mtoto wa jicho,Matatizo ya moyo,Kutosikia vizuri,mtindio wa ubongo na matatizo ya ukuaji wa mwili”.

Kutoka Kitengo cha Mawasiliano Halmashauri ya Madaba

Februari 17,2024.