AFISA Ustawi wa Jamii Halmashauri ya Madaba Shani Kambuga ametoa Elimu ya Ukatili wa Kijinsia Katika Shule ya Sekondari ya Madaba Day na Shule ya Msingi Madaba.
Afisa ustawi ametoa elimu kwa Wanafunzi juu ya Ukatili wa Kijinsia kwa watoto kwa lengo la kumdhuru au kumuumiza kisaikolojia Kimwili,kiafya,kingono na kiuchumi.
Kambuga ameeleza ukatili wa kijinsia kwa wanawake na wasichana wengi wanafanyiwa ukatili hawafahamu namna ya kupata msaada pale wanapokumbana na vitendo vya ukatili.
Hogla Mliga Afisa ustawi Halmashauri ya Madaba ametoa Elimu juu ya haki ya mtoto mwenye umri chini ya miaka 18,amesema Sera ya Maendeleo ya Mtoto na Sheria na 21 ya mwaka 2009 katika umri huo mtoto anahitaji malezi bora.
“Watoto wana haki za kipekee kwa sababu umri wao ni mdogo na hali ya haki sawa bila kujali jinsi,rangi,kabila ,Dini hadhi au hali ya kiafya”.
Mliga amesema Serikali,Wazazi na jamii wanawajibu wa kuhakikisha watoto wanapatiwa haki zao ikiwemo haki ya kuishi kuendeleza uhai wa mtoto,kuzuia magonjwa na kupata huduma za matibabu.
Haki ya kuendelezwa maendeleo ya mtoto kiakili,kielimu,tamaduni,kiroho na kipaji pamoja na haki ya kulindwa kuhakikisha mtoto analindwa dhidi ya unyanyasaji na ubaguzi ukeketaji, ndoa za utotoni pamoja na mazingira hatarishi
Imeandaliwa na Aneth Ndonde
Kutoka Kitengo cha Mawasiliano Serikalini Ofisi ya Mkurugenzi Halmashauri ya Madaba
Novemba 29,2022.
MADABA - RUVUMA
Anwani ya Posta: 38 BARABARA YA KIFAGURO MAGINGO, P.O.BOX 10, 57186 MADABA, SONGEA
Simu: 0252951052
Simu ya Mkononi:
Barua pepe: ded@madabadc.go.tz
Hatimiliki@2017 Halmashauri ya Wilaya ya Madaba.Haki zote zimeifadhiwa