KAMATI ya Siasa Ruvuma yakagua kituo cha Afya Ifinga

Posted on: October 9th, 2023

SERIKAI ya awami ya Sita inayoongozwa na Rais Samia imetoa shilingi Milioni 50 kwaajili ya umaliziaji wa ujenzi wa Kituo cha Afya Kijiji cha Ifinga Kata ya Matumbi Halmashauri ya Madaba.

Kamati ya Siasa Mkoa wa Ruvuma inayoongozwa na Mwenyekiti wa Chama cha Mapinduzi Oddo Mwisho wametembelea na kukagua mradi huo ulianzishwa kwa nguvu za wananchi kwa ufyatuzi wa tofari Mwaka 2022 Julai kwa hatua ya Msingi.

Mkurugenzi Mtendaji wa Halmashauri hiyo Sajidu Idrisa Mohamed amesema  walitoa Milioni 31 ya Mapato ya ndani kwaajili ya ununuzi wa vifaa vya Viwandani pamoja na malipo ya fundi  na ukamilishaji wa boma.

Amesema Wawekezaji waliowekeza katika kijiji hicho akiwemo Mufindi woodpoles Planting Timber Ltd walitoa Milioni 10 pamoja na mifuko 200 ya saluji na Shamba la Miti Wino TFS walitoa Mifuko 150 ya Saluji ambayo imetumika kupiga lipu jengo hilo.

“Tumepokea  Shilingi Milioni 23,676,000 kutoka kwa Mwekezaji Mufindi Woodpoles  planting timber Ltd kwaajili ya ununuzi wa  Mbao na bati za kuezekea Jengo ”.

Mwisho amewapongeza wawekezaji  waliowekeza katika Kijiji cha Ifinga,Serikari ya awamu ya sita na uongozi wa Halmashauri ya Wilaya ya Madaba kwa kujali miradi inayoanzishwa kupitia nguvu za wananchi na kuikamilisha.

Imeandaliwa na Aneth ndonde

Kutoka Kitengo cha Mawasiliano Halamshauri ya Madaba

Oktoba 9,2023.