KAMATI ya fedha Madaba watembele mradi wa nyumba nne Sekondari Matetereka

Posted on: August 14th, 2024

KAMATI ya fedha Halmashauri ya Wilaya ya Madaba wamefanya ziara ya kutembelea miradi mbalimbali ukiwemo mradi wa nyumba nne za walimu katika shule ya sekondari Matetereka.

Mkuu wa Shule hiyo Godfrey Njovu amesoma  taarifa ya mradi huo unaotekelezwa kwa  kupitia wafadhili wa mamlaka ya Elimu Tanzania ( TEA) kwa shilingi milioni 200,000,000/=.

Njovu amesema mradi huo  hadi kufikia sasa umefikia hatua mbalimbali nyumba tatu zimefikia hatua ya kupaua na upigaji wa lipu na nyumba moja ipo katika hatua ya boma.

Aidha Mkuu wa Shule hiyo amemshukuru Rais wa Jamhuri ya Muungano wa Tanzania Dkt.Samia Suluhu Hassan,Mbunge wa Jimbo la Madaba Joseph Mhagama na Mkurugenzi mtendaji wa halmashauri ya Wilaya ya Madaba Sajidu Idrisa Mohamed  kwa kuhakikisha analeta fedha za ujenzi wa nyumba za walimu ambazo zitatatua changamoto ya makazi ya walimu.

Kutoka Kitengo cha Mawasiliano Halmashauri ya Wilaya ya Madaba

Agosti  14,2024.