KAILIMA Sitamfumbia macho mtendaji yeyote anayezalisha hoja

Posted on: November 14th, 2022

NAIBU Katibu Mkuu wa (OR Tamisemi ) Ramadhan Kailima amefanya  kikao kazi na viongozi wa Sekretalieti ya Mkoa na  Mamlaka za Serikali za Mitaa  pamoja na Wakuu wa Idara katika swala la kuzungumzia hali ya ufutaji  wa hoja  za ukaguzi.

Kikao kazi hicho kimefanyika katika ukumbi wa Manispa ya Songea Mkoani Ruvuma na kujumuisha Viongozi wa Halmashauri zote.

Akizungumza Katika kikao kazi hicho ametaja vipaumbele vya ufutaji wa hoja za ukaguzi  na maagizo yaliyotolewa na kamati ya Kudumu ya Bunge la Hesabu za Serikali za Mitaa.

Kailima amesema hoja za Serikali zikifutwa miradi mbalimbali ya Serikali itaendelea vizuri  ikiwemo Vyumba vya Madarasa,Vituo vya Afya na mingine.

“Sitakuwa na Msamaha na Mtendaji yoyote ambaye atakuwa anazalisha hoja kwa kushindwa kutekeleza wajibu wake na wala usitegemee kuhamishwa na kupewa nafasi nyingine hapo ulipo”.

Hata hivyo Kailima amesema watumishi wanaodai madai yao ya likizo walipwe ili wafanye kazi kwa bidii.

Imeandaliwa na Aneth Ndonde

Kutoka Kitengo cha Mawasiliano Serikalini Ofisi ya Mkurugenzi Mtendaji Halmashauri ya Madaba

Novemba 14,2022.