HALMASHAURI ya Madaba yashika nafasi ya pili Kitaifa afua za Lishe

Posted on: November 10th, 2022

HALMASHAURI ya Madaba imekuwa ya pili  Kitaifa kwa afua za Lishe ikiwa ni sekta muhimu katika jamii.

Hayo ameyasema Mkugugenzi Mtendaji wa Halmashauri ya Madaba  Sajidu Idrisa Mohamed katika kikao  kazi cha maandalizi ya mipango na bajeti za afua za Lishe mwaka 2023 /2024.

Mohamed ametoa rai kwa watendaji wa Halmashauri hiyo kuhakikisha wanasimamia suala nzima la Lishe ili Madaba iendelee kufanya vizuri.

“Kiujumla kama hamtasimamia tutawajibishana haiwezekani nisainishane mkataba na Mkuu wa Wilaya halafu mimi niwakumbushie madokezo na isitokee tumekuwa namba mbili kitaifa halafu tunakuwa wamwisho ”.

Amesema lengo kila mmoja atekeleze majukumu yake kufuatia mwaka wa fedha uliopita  2021/2022 umepekelea kufanya vizuri na kuchukua nafasi ya pili Kitaifa.

Hata hivyo Mkurugenzi amesema vikao vinavyofanyika lazima vilete matokeo chanya ikiwemo mtu wa Elimu,Mifugo Maendeleo ya jamamii wahakikishe wanawafikia wananchi na kutoa Elimu.

Afisa Lishe wa Halmashauri ya Madaba John Mapunda mara baada ya kikao hicho amesema afua za lishe ni sekta mtambuka ambayo hujumuisha idara mbalimbali ikiwemo Elimu,Mipango,Mifugo na Kilimo.

Mapunda amesema Halmashauri imechukua nafasi ya pili kitaifa ikifuatiwa na jitihada mbalimbali ikiwemo Mkurugenzi wa Halmashauri hiyo kuhamasisha ushirikiano na kuboresha katika sekta ya afya.

Imeandaliwa na Aneth Ndonde

Kutoka Kitengo cha Mawasiliano Serikalini Halmashauri ya Madaba

Novemba 10,2022.