HALMASHAURI ya Madaba Wilaya ya Songea yapitisha bajeti ya Bilioni 15 kwa mwaka wa fedha 2022/2023

Posted on: February 25th, 2022

HALMASHAURI ya Madaba imepitisha bajeti ya shilingi bilioni 15 kwa mwaka wa fedha 2022/2023.

Akisoma taarifa hiyo Afisa mipango Janeth Nchimbi katika baraza la Madiwani amesema Halmashauri imetayarisha mpango wa maendeleo  na mapendekezo ya Bajeti  kwa mwaka wa fedha 2022/2023-2025/2026 kwa kuzingatia maelekezo  na miongozo mbalimbali.

Mkuu wa Wilaya ya Songea Pololeti Mgema katika Baraza hilo ametoa rai kwa Waheshimiwa Madiwani kusimamia miradi inayoendelea katika Kata zao ili kuhakikisha wanapatiwa miradi mingine.

“Unapokuwa na fedha haina sababu ya kuto Kamirisha Miradi inatakiwa kusimamia ili kazi iende haraka na kukamilika”.

Mgema katika Baraza hilo ameomba kupokea taarifa ya uandikishaji wa Wanafunzi waliochaguliwa kujiunga kidato cha kwanza,Darasa la kwanza pamoja na darasa la awali ikiwa umebakia mwezi mmoja kwaajili ya kukamilisha zoezi hilo.

Amesema katika wanafunzi wa kujiunga na kidato cha kwanza ni kundi muhimu sana wasipopelekwa shule watajiunga na makundi mabaya ikiwa Serikali imeshajenga madarasa kwaajili ya wanafunzi hao.

Serikali imejenga Madarasa hivyo ni wajibu wa Mzazi ahakikishe anampa mtoto mahitaji muhimu ili aanze masomo ,watendaji wa kata na Maafisa Elimu wakafanye tathimini “.

Imeandaliwa na Aneth Ndonde

Kutoka ofisi ya Mkuu wa Mkoa Ruvuma

Februari 25,2022.