HALMASHAURI ya Madaba kuzalisha Mahindi,Maharage Tani 146,860

Posted on: November 16th, 2020

HALMASHAURI ya Wilaya ya Madaba msimu wa kilimo  2020/2021  imejipanga  kuzalisha mahindi na Maharage  tani 146,860 ikiwa msimu wa  mwaka 2019/2020  walizalisha zaidi ya tani 113,491

Afisa Kilimo,Umwagiliaji na Ushirika(W) wa Halmashauri ya Wilaya ya Madaba Joseph Mrimi amesema kuwa katika msimu wa mwaka 2019/2020 Mbolea ilipatikana ilikuwa ni tani 2696.92 na kwamba upatikanaji wa vifuatilifu ulikuwa ni wa lkutosha kwa msimu  wa 2019/2020.

“msimu wa kilimo 2020/2021 wanatarajia kuwa na mashamba darasa  17 ili kuwasaidia wakulima kitaalamu,tumeandaa mashamba darasa kitaalamu kwa wakulima wa mfano na wakulima watajifunza hatua kwa hatua juu ya kilimo bora”,alisisitiza.

Hata hivyo Afisa Kilimo,Umwagiliaji na Ushirika (W) huyo amesema mashamba darasa yanaleta tija kwa wakulima na wataalamu ambayo yameandaliwa kwa lengo la kutoa mafunzo juu ya kanuni za kilimo bora cha mazao mbalimbali .

Mrimi ameitaja changamoto ya ukosefu wa vyombo vya usafiri ili kuweza kuwafikia wakulima kwa urahisi katika ngazi ya kata na vijiji.

Imeandaliwa na Aneth Ndonde

Afisa Habari Halmashauri ya Madaba

Novemba  16/2020.