HALMASHAURI ya Madaba kuanza uchimbaji wa Mkaa ya Mawe Machi 2023

Posted on: January 23rd, 2023

Kampuni mbili zinatarajia kuanza uchimbaji wa Makaa ya Mawe katika Halmashauri ya Madaba katika Kata ya Mtiyangimbole na Gumnbiro ifikapo Machi 2023.

Hayo ameyasema Mkurugenzi mtendaji wa Halmashauri hiyo Sajidu Idrisa Mohamed katika kikao cha Baraza la Madiwadi cha robo ya pili ya  mwaka 2022/2023.

“Tumeshapata kampuni mbili tayari zimeonyesha nia na zimetamburishwa kwa Katibu Tawala wa Mkoa na Wilaya ambazo zinatarajia kuanza uchimbaji wa makaa ya mawe Machi katika Kata ya Mtiyangi Mbole”.

Hata hivyo Mkurugenzi amewaomba  Waheshimiwa Madiwani wanaotoka katika Kata ya Mtiyangimbole na Ngumbiro kuwapa ushirikiano wataalamu wa uchimbaji wa makaa ya mawe.

Amesema katika uchimbaji wa Makaa ya Mawe kuna faida nyingi zitapatikana katika  Halmashauri ya Madaba kwa kuongeza uwigo wa mapato ikiwa ni adhima ya Rais wa Jamhuri ya Muungano wa Tanzania.

“Wapo tayari kuhakikisha sehemu ambazo watapita na Makaa ya Mawe barabara watatengeneza wenyewe”.

Mkurugenzi amesema wananchi wa maeneo hayo ni fursa kwa kujenga Hotel pamoja na huduma zingine ikiwa ni pamoja na Halmashauri kujipatia fedha na kukua kiuchumi

“Hizo ni kampuni mbili lakini zipo nyingi ambazo zitaendelea kujitokeza  kuwekeza katika Halmashauri ya Madaba hizo ni fursa kwetu kuhakikisha tunatangaza rasilimali  zilizopo katika Halmashauri ya Madaba ambapo tulikuwa tunategemea kilimo pekee”.

Makamu Mwenyekiti wa Halmashauri hiyo amempongeza Mkurungenzi na wataalam kwa kufanya uchunguzi wa uchimbaji wa Makaa ya Mawe katika Kata ya Mtiyangimbole na  Gumbiro amesema uchimbaji huo utasaidia kuongeza uchumi katika Halmashauri ikiwa mwanzo walitegemea mapato kupitia kilimo cha chakula.

Mwenyekiti wa Halmashauri hiyo Teofanes Mlelwa katika Baraza hilo amewapongeza wataalamu wote kwa utendaji kazi na hasa katika  usimamiaji wa miradi ya maendeleo katika Kata zote.

Imeandaliwa na Aneth Ndonde

Kutoka Kitengo cha Mawasiliano Serikalini Ofisi ya Mkurugenzi Halmashauri ya Madaba

Januari 23,2023.