DED Madaba kila mmoja akatimize wajibu wake

Posted on: October 28th, 2024

Timu ya Menejimenti  halmashauri ya Wilaya wa Madaba imepewa mafunzo  ya kanuni ya usimamizi wa  mikopo ya asilimia 10.

Mkurugenzi mtendaji wa Halmashauri hiyo Sajidu Idrisa Mohamed akifungua mafunzo hayo ametoa rai kwa menejimenti hiyo ya usimamizi wa mikopo kuhakikisha kila mmoja anatimiza wajibu wake katika majukumu yake ya kazi.

“Naamini baada ya mafunzo haya kila mmoja atakuwa ameiva kwaajili ya utekeleza wa majukumu ambayo tumepewa”.

Naye Afisa maendeleo ya Jamii wa halmashauri ya Wilaya ya Madaba Juma Komba akitoa mafunzo kwa menejimenti hiyo ameyataja malengo mahususi ya  mafunzo hayo ikiwa ni kuongeza uelewa wa kanuni za utoaji na usimamizi wa mikopo kwa vikundi vya wananwake,vijana na watu wenye ulemavu.

“Kufafanua taratibu za utambuzi,utoaji,usimamizi,ufuatiliaji na urejeshaji wa mikopo ya vikundi vya wanawake,vijana na watu wenye ulemavu”.

Aidha amesema mafunzo hayo yamelenga kuimarisha  ushirikiano na uratibu wa usimamizi  wa mikopo  baina ya Ofisi ya Rais –TAMISEMI,Ofisi za Wakuu wa Mikoa,mamlaka za Serikali za Mitaa,taasisi za Serikali,taasisi za fedha,asasi za kiraia na wadau mbalimbali katika kuwawezesha  wananchi kiuchumi.

Kutoka Kitengo cha Mawasiliano Halmashauri ya Wilaya ya Madaba

Oktoba 28,2024.