DED Madaba azindua Ligi ya Mwenge Cup

Posted on: June 6th, 2024

Halmashauri ya Wilaya ya Madaba wamezindua rasmi michezo ya ligi ya Mwenge cup ambayo itahitimishwa kabla ya ujio wa Mwenge wa Uhuru Juni 15,2024.

Afisa Elimu msingi vifaa na takwimu Raphael Kibirigi akimwakilisha Mkurugenzi Mtendaji wa Halmashauri hiyo Sajidu Idrisa Mohamed amewapongeza vijana hao kwa kufanya maandalizi ya Mwenge wa Uhuru kwa kufanya mazoezi kila siku alfajili pamoja na kuanzisha ligi ya michezo.

“Hiki mnachokifanya ndicho vijana tunatakiwa kufanya na moja ya sababu ni kuhamasisha mapokezi ya Mwenge wa Uhuru”.

Aidha ametoa rai kwa   vijana  hao kuhakikisha wanashiriki katika uchaguzi wa Serikali za Mitaa kila hatua.

Hata hivyo amewaasa vijana hao kuepuka rushwa na madawa ya kulevya kwakuwa vijana ni nguvu kazi ya Taifa endelevu.

Kutoka Kitengo cha Mawasiliano Halmashauri ya Wilaya ya Madaba

Juni 6,2024.