DED Madaba awapongeza wananchi wa Kata ya Gumbiro Kuunga Mkono Jitihada za Rais Samia

Posted on: October 20th, 2023

MKURUGENZI Mtendaji Halmashauri ya Wilaya ya Madaba Sajidu Idrisa Mohamed amewapongeza wananchi wa Kata ya Gumbiro kwa kuunga mkono jitihada za Rais Samia kwa usimamizi wa utekelezaji wa  Miradi iliyoletwa katika Kata hiyo.

Hayo amesema alipozungumza na kusikiliza kero za wananchi wa Kijiji cha Ngadinda na kubainisha miradi iliyotekelezwa ikiwemo Madarasa  mawili na matundu 3 ya vyoo  kupitia mradi wa Boost jumla ya shilingi Milioni 53,100,000/=zimetumika, Shule ya Msingi Sokoine zaidi ya shilingi Milioni 34 zimetumika kwaajili ya ujenzi wa matundu 13 ya vyoo kupitia mradi wa SWASH.

“Mwaka 2023/2024 katika Kata hiyo wanatarajia kupokea zaidi ya shilingi Milioni 106 na kwaajili ya ujenzi wa matundu ya vyoo”.

Hata hivyo Mkurugenzi ametoa rai kwa wazazi kuwalinda watoto na kuwahimiza kusoma ikiwa Rais wa Jamhuri ya Muungano wa Tanzania anatoa fedha kwaajili ya kuboresha Miundombinu ya Shule.

Diwani Kata ya Gumbiro Gustaph Tindwa ameipongeza Serikali kwa kuleta fedha kwaajili ya  utekelezaji wa  miradi ya maendeleo katika kata hiyo  amesema mradi wa barabara  utakaogharimu kiasi cha shilingi Milioni 200 unaotekelezwa na Wakala wa Barabara Vijijini (TARURA).

“Hizo zote ni pongezi za Rais Samia,Mbunge wa Jimbo la Madaba na  wewe Mkurugenzi wa Halmashauri   ikiwa wananchi wa Kata ya Gumbiro  wananufaika na miradi hiyo”.

Tindwa amesema pia mradi wa Maji unatekelezwa katika Kata hiyo kwa zaidi ya Shilingi Bilioni moja utakaowasaidia wananchi kuondokana na changamoto ya  maji.

Kutoka Kitengo cha Mawasiliano Halmashauri ya Madaba

Oktoba 20,2023.