DED Madaba awakarisha wananchi kufanya mazoezi kwaajili ya kupokea Mwenge wa Uhuru Juni 15,2024

Posted on: June 1st, 2024

Mkurugenzi Mtendaji Halmashauri ya Wilaya ya Madaba Sajidu Idrisa Mohamed ameongoza mazoezi ya viungo kwaajili ya maandalizi ya kupokea Mwenge wa uhuru unaotarajia kuingia katika Halmashauri hiyo  Juni 15,2024.

Akizungumza mara baada ya mazoezi hayo amewakarisha wananchi wote kujiunga na mazoezi hayo pamoja na kupokea Mwenge wa Uhuru

 “Nitoe wito kwa vijana muwe mfano bora licha ya mazoezi ya Mwenge tunaweza kujumuika kufanya mazoezi kila siku tutajiepusha na vishawishi vibaya”.

Aidha Mkurugenzi ametoa rai Afisa utamaduni wa Halmashauri hiyo kuanzisha bonanza la timu zote za Halmashauri hiyo pamoja na timu ya watumishi kuandaa shindano kabla ya kupokea Mwenge wa Uhuru ambapo mshindi wa kwanza atapata mbuzi.

Mohamed ametoa rai kwa watumishi wote wa Halmashauri hiyo na wananchi kuendelea na mazoezi ya viungo kila siku saa 11 alfajili.

Kutoka Kitengo cha Mawasiliano Halmashauri ya Madaba

Juni 1,2024.