DED Madaba atoa maagizo kwa waganga wafawidhi

Posted on: August 28th, 2024

MKURUGENZI Mtendaji Halmashauri ya Wilaya ya Madaba Sajidu Idrisa Mohamed amefanya kikao kazi na waganga wafawidhi wa hospitali,vituo vya afya na zahanati.

Katika kikao hicho kimelenga uhamasishaji wa matumizi ya mfumo wa GOTHOMIS katika vituo vya kutolea huduma ya afya na kuongeza ukusanyaji wa mapato katika halmashauri.

Mkurugenzi wa halmashauri hiyo ametoa maelekezo ikiwemo msimamizi wa kituo anatakiwa kuhakikisha dawa zote zinaingia katika mfumo wa GOTHOMIS mara zinapofika kituoni,kuingiza vipimo vya maabara katika mfumo,kuhakikisha nyaraka zinaonyesha kuna uhalali wa msamaha kwa wagonjwa na kuhakikisha huduma zote zinatolewa kwenye mfumo.

Aidha Mohamed amesema ofisi ya mganaga mkuu (CHMT) kuhakikisha vituo vya kutolea huduma vinakuwa na miundombinu kwaajili ya mfumo wa GOTHOMIS,vituo vyote vinakuwa na mfumo wa GOTHOMIS,Vituo vyote vihakikishe vinatoa taarifa ya fedha kwa kutumia mfumo wa GOTHOMIS na kutoa taarifa kila siku juu ya mwenendo wa utumiaji wa mfumo.

“Watendaji kata wawajibike  kwa kuwa mfumo ni mkakati wa uboreshaji  wa ukusanyaji wa mapato hivyo watendaji wa kata watawajibika kufuatilia  utendaji kazi katika maeneo yao”.

Amesema kila kituo cha kutolea huduma ikiwa ni pamoja na elimu msingi na sekondari na afya wanatakiwa kuhakikisha wanatumia mifumo yote kwa usahihi kwa kuzingatia kanuni na taratibu zilizowekwa ukiwemo mfumo wa NEST,GOTHOMIS na FFARS.

Imeandaliwa na Aneth Ndonde 

Kutoka Kitengo cha Mawasiliano Halmashauri ya Wilaya ya Madaba

Agosti 27,2024.