DED Madaba atembelea Hospitali ya Wilaya na kutatua changamoto

Posted on: October 11th, 2023

MKURUGENZI Mtendaji Sajidu Idrisa Mohamed leo Oktoba 11,2023 amekagua mradi wa ujenzi wa jengo la upasuaji,wodi ya wanawake na wanaume unaoendelea kujengwa kwa shilingi milioni 800 katika Hospitali ya Wilaya ya Madaba.

Hospitali hiyo inayojengwa kwa awamu ameweza kukagua  Wodi ya Watoto pamoja na kujinea vifaa vya Hospitali ambavyo kwa asilimia kubwa vimenunuliwa.

Hata hivyo Mkurugenzi amezungumza na watumishi na kusikiliza changamoto zinazojitokeza katika Hospitali hiyo ikiwemo baadhi ya Majengo kutokamilika ikiwa huduma zinaendelea kutolewa kwa wananchi.

 Fanti Abbasy  ambaye ni  kaimu mratibu wa huduma za Maabara amesema changamoto  mbalimbali zilizojitokeza  katika Hospitali hiyo jengo la maabara kuto kuwa na milango,ukosefu wa vitanda  vya kutolea huduma kwa wagonjwa  pamoja na maji ya uhakika ikiwa huduma za afya zinaendelea kutolewa.

Abbasy amesema pia Mkurugenzi ameangalia vifaa  vya Hospitali hiyo ambavyo vipo katika Maabara  ikiwemo Darubini inayotumika katika uchunguzi wa Magonjwa.

“ ametoa maagizo kwa mamlaka zinazohusika kuhakikisha huduma ya upatikanaji wa Maji zinakamilika kwa wakati ”.

Kutoka kitengo cha Mawasiliano Halmashauri ya Madaba

Oktoba 11,2023.