DED Madaba alivyotatua kero za Watumishi

Posted on: October 30th, 2023

MKURUGENZI Mtendaji wa Halmashauri ya Wilaya ya Madaba Sajidu Idrisa Mohamed leo Oktoba 30,2023 amefanya kikao na watumishi wote wa Halmashauri na kusikiliza kero na changamoto zao wanazokutana nao katika utendaji Kazi.

Kikao hicho kimefanyika katika Ukumbi mkuu wa Ofisi ya Mkurugenzi mara baada ya kusikiliza kero mbalimbali na changamoto za watumishi hao ametatua baadhi ya changamoto na zingine kuhaidi kuzifanyia kazi kwa awamu tofauti.

Mkurugenzi amewapongeza watumishi kwa jitihada ya kumuunga mkono Rais wa Jamhuri ya Muungano wa Tanzania kwa kusimamia miradi mbalimbali ya maendeleo inayoletwa katika Halmashauri hiyo.

Hata hivyo Mkurugenzi amewasihi  watumishi kuwa na mahusiano mazuri katika utendaji kazi na mahusiano ya kawaida ili kuleta chachu ya kuboresha maendeleo ya nchi ya Tanzania na mtu mmoja mmoja.

Mohamed amewaagiza  Maafisa Elimu Kata na Watendaji Kata kushirikiana katika zoezi la uandikishaji wa  wanafunzi wa darasa la awali na darasa la kwanza Mwaka 2024.

Kutoka kitengo cha Mawasiliano Halmshauri ya Wilaya ya Madaba

Oktoba 30,2023.