DED Madaba alipongeza baraza la Madiwani kwa kufanya kitu kama timu

Posted on: August 19th, 2024

MKURUGENZI mtendaji Halmashauri ya Wilaya ya Madaba Sajidu Idrisa Mohamed amempongeza Mwenyekiti wa Halmashauri hiyo Teofanes Mlelwa na baraza la madiwani kwa kuhakikisha wanafanya kazi kubwa katika kata ya kumsaidia Rais wa Jamhri ya Muungano wa Tanzania na kufanya kazi kama timu.

Hayo amesema katika baraza la Madiwani la kumaliza mwaka lililofanyika katika ukumbi wa halmashauri na amewapongeza watendaji kata kwa kuhakiksiha wanafanya kazi nzuri na kuwa wazalendo.

“Mwaka huu mnajua tunaenda katika uchaguzi wa serikali za mitaa na uchaguzi mkuu pamoja na uboreshaji wa daftari la kudumu tunawategemeeni sana watendaji wa kata”.

Aidha Mkurugenzi amemshukuru Diwani wa Kata ya Matetereka,Wino,Mkongotema na Gumbiro kwa mapokezi mazuri ya Naibu Waziri wa habari ,Mawasiliano na teknolojia ya habari Maryprisca Mahundi katika ziara yake ya kukagua mawasiliano katika hamashauri ya Wilaya ya Madaba.

“Naibu Waziri amefurahi sana na zawadi mlizotoa hata kipindi tunaagana nae alikuwa ni mwenye furaha sana Madiwani mmefanya vizuri”.

Imeandaliwa na Anetha Ndonde 

Kutoka Kitengo cha Mawasiliano Halmashauri ya Wilaya ya Madaba.