DC Songea Elimu ya Lishe kwa Wananchi iwe endelevu

Posted on: July 15th, 2023

MKUU wa Wilaya ya Songea Wilman Ndile ametoa rai kwa  wataalam Halmashauri ya Madaba kutoe Elimu ya Lishe kila inapokuwa mikutano ya hadhara katika vijiji.

Hayo amesema alipofungua kikao cha utekelezaji wa afua  za Lishe cha robo ya nne 2022/2023 kilichofanyika katika ukumbi wa Halmashauri.

Ndile amesema elimu hiyo ya Lishe pia itolewe kwa Walimu na Wazazi kuhakikisha wanafunzi wanakunywa Maziwa kwa wingi  na kuhakikisha wanapata chakula bora  wakiwa Shuleni na Nyumbani.

“Wataalam Hakikisheni Mkakati wa mikutano ya vijiji inapofanyika hakikisheni mnakuwepo kuhamasisha na kutoa elimu ya Lishe kwa wananchi”

Hata hivyo Mkuu wa Wilaya amemwagiza afisa Elimu Msingi na Sekondari kufufua  Elimu ya kilimo  cha kujitegemea mashuleni ili kuhakikisha chakula na matunda vinapatikana kwa wanafunzi.

Kutoka kitengo cha Mawasiliano Halmashauri ya Madaba

Julai 15,2023