DC Songea awataka wananchi kutumia mfumo wa stakabadhi ghalani

Posted on: June 5th, 2023

Mkuu wa Wilaya ya Songea Wilman Ndile amewataka wananchi wa Wilaya hiyo kuacha kuuza ufuta kwa bei ya hasara kwa watu binafsi.

Hayo amezungumza alipoongea na wananchi wa Kata ya Matumbi kijiji cha Ifinga mara baada ya kusikiliza kero za wananchi kulalamikia vyama vya ushirika kucheleweshewa fedha zao.

“Ufuta umeuzwa kwa shilingi 3800 songea vijijini siku mbili zilizopiata  kupitia mfumo wa stakabadhi ghalani walanguzi acheni kuwalaghai wananchi”

Mkuu wa idara ya kilimo Jeseph Mrimi amewapongeza wanchi wa Ifinga ikiwa katika Halamshauri ya Madaba Ifinga wanaongoza kwa uzalishaji wa zao la  Ufuta.

Mrimi amesema kwa kipindi chote walikuwa wanahudumiwa na chama cha  AMCOS Wino hivyo wameweza kufungua chama chao ambaco watajitegemea na watajisimamia wenyewe.

“kwa kipindi chote ambacho walikuwa wakiuza kupitia Wino AMCOS wamejifunza mengi na changamoto wameziona , mwaka huu mtaanza kujitegemea kupitia chama chenu.

Mrimi amemtaka  Afisa maendeleo  wa Kata hiyo kufika ofisini kwake ili kuhakikisha wanaweka utaratibu  mzuri utakaosaidia kuanza kwa chama hicho cha ushirika”.

Imeandaliwa na Aneth Ndonde

Kutoka kitengo cha Mawasiliano Halmashauri ya Madaba

Juni 4,2023